खबर संजाल, २२ पुष काठमाण्डौ ।
नेकपा दाहाल–नेपाल पक्षका अध्यक्ष प्रचण्ड फरक विचार राख्नेलार्य देखिनसहने प्रवृत्तिको रहेको भन्दै खानेपानी तथा सरसफाइमन्त्री मणि थापाले युद्धकालमा उनले तत्कालीन नेता बाबुराम भट्टराईलाई मार्न खाल्डो खनेको बताएका छन् ।

विभाजित नेकपाको ओली समूहले मंगलबार जाजरकोटमा आयोजना गरेको कार्यक्रममा उनले प्रचण्डके बारेमा यस्तो अभिव्यक्ति दिएका हुन । कार्यक्रममा बोल्दै मन्त्री थापाले भने “प्रचण्डले बाबुरामलाई हाल्न खाल्डो खनेका थिए । बाबुरामलाई बचाउनेहरू हामी नै हौँ । बाबुरामलाई बचाउनेहरू आज ओलीसँगै छौँ,” उनले भने, “प्रचण्डका लागि ओलीले बालुवाटारमा खाल्डो खनेका थिएनन् ।”
थापाले माधवकुमार नेपालमा नगदे चिन्तन रहेको बताए । उनले चुनावमा जाउँ भन्नु प्रतिगामी कदम नरहेको भन्दै अब मुलुक निर्वाचनमा केन्द्रित रहेको बताए ।

पार्टी एकताका लागि ओलीले अन्तिमसम्म प्रयत्न गरेको, खुमलटार गएर प्रचण्डलाई प्रस्ताव फिर्ता लिन आग्रह गरेको भन्दै दाहाल नेपाल गठबन्धान असफल हुने जिकिर गरे ।
उनले प्रचण्ड(नेपाल समूहमा झगडा सुरु भएको पनि बताए । त्यो समूहमा महासचिवमै झगडा सुरु भएको बताउँदै धेरै बिराला भए मुसा नमार्ने उदाहरण दिए । उक्त समूहमा तीन पूर्वप्रधानमन्त्री रहेकाले अब आफू प्रधानमन्त्री बन्छु भन्दै टोपी लगाउन थालसिकेको कटाक्षसमेत गरे ।

उनले ओली समूहको गाडी अगाडि बढेको र प्रचण्ड(नेपाल समूह झगडा नै गरेर बस्ने आकलनसमेत गरे । उनले संसद् विघटन बाध्यात्मक कदम भएको पनि बताए । उनले संसद् पुनःस्थापना कुनै पनि हालतमा नहुने बताए ।

मन्तव्यका क्रममा उनले पूर्वजनमुक्ति सेनाको एउटा समूह ओली नेतृत्वको नेकपामा समाहित हुने बताए ।